mandag 3. mars 2008

"Vi misunner ingen..."



Sitatet kjem frå Helge Ingstad og boka Pelsjegerliv blant Nord-Canadas indianere. Orda skildrar kjensla dei hadde der ute i villmarka, same kjensla me får kvar gong me er på tur, stutt eller lengre. Den av å vere nøgd med det ein har, gleda og lukka over å få vere ute i naturen, i rørsle, i stilla og opplevingane og i gleda over det som kanskje er enkelt, men aller mest er viktig og gjevande: Mat når ein er svolten, kvile når ein er trøytt, varme når ein frys, eit varmt smil frå eit anna menneske, ei våt og varm tunge frå den vesle hunden, ein lukkeleg turkamerat. 

Med fyrste marshelga kom både lett snjofall, og strålande soldagar. Ein samvitsfull student skulle visst helst sitje inne og glo i tettskrivne sider om sjuklege dyr - men kjærasten fekk henne heldigvis til å ta til fornuft, og fekk lokka henne med ut i skogane. Laurdagen gav oss mjuk, urørd snjo, takdrypp frå ei einsleg koje ved eit islagd vatn - og eit snøgt blikk av ein brun liten lynkvikk skapnad. Det var den svarte og kvite med lang snute og skarpe sansar som fann minken under ei
lita bru, og fekk skremt han ut før han dukka ned i vassdjupet att. Ei flott oppleving!

Bål må ein ha, men sjølv beintørr og utgamal furekvist var rå denne dagen, så fyringa var ei utfordring. Etter å ha sanka i hop det som var av tørrkvistar, nokre nevar bjørkenever, og til slutt funne ei tørr furerot som me fekk saga av og spikka opp, og etter iherdig pusting på glørne og varsame ilegg av nytt brenne - fekk me eit fint, lite bål! Eg og hunden våga oss utfor bratte skrentar ned til ei klukkande elv djupt nede i eit juv, kappsprang opp - og såleis vart me både varme, glade og fekk snart kokande vatn til turkakaoen vår :-) Kan ein betre ha det?

4 kommentarer:

lilledora sa...

Jeg og liker Helge Ingstad, og med nydelig musikk i bakgrunnen leste jeg innlegget ditt med stor innlevelse. Du skriv godt, og jeg likte godt bilde med kattepusa, liker kattepuser vettu. Klems

Ugla sa...

Æ gjev meg ikkje. Men den lange kommentaren min forsvann ut i luftin. Du skriv så godt at. Men den symaskina må du nok vente på. Har du tid til å saume no når våren er i anmarsj? Hald deg til spitet du. Ugla

homla sa...

Min kommentar forsvann også - merkelige greier gitt..!

Du minner meg om noen jeg kjenner - renner det kanskje Peggy blod gjennom dine årer og??

Samle på fine bokser - og fine kopper - ja det høres ufornektelig kjent ut!!!!

Landliv sa...

Så fint at du setter pris på slike ting - akkurat som oss her i naturens rike i Gudbrandsdalen. Herlig leseopplevelse som vanlig - signerer ugla