torsdag 6. mars 2008

Tunn forklåring...


      Bestefarstrøye frå www.nostebarn.no

Det har gått i smått den siste tida, med tunne bambuspinnar og tunt garn i naturfargar - slik at små, små plagg sakte men sikkert har teke si fine form. Då eg tok til å strikke ei omslagsjakke frå Nøstebarn til ei heilt fersk og nett lita pi', tenkte eg at Ah - snøggstrikk, det måtte vere barnestrikk. For det er jo så smått! Den dårleg grunngjevne idéen botnar i røynslene med Alafos Lopi og STORE, TJUKKE fiskartrøyer til vaksne, store menneske. Med tjukke pinnar og etterkvart for lite fang å ha det heile i, når stasen var raglanfelt og berre kragen stod att. Men, eg har vel kome fram til at "omfanget av strikkinga er konstant" eller noko slikt, då pinne- og garntjukkleik veg opp for storleiken på plagget. Variasjon er med andre ord tingen. Frå eit flettemønster-skjerf til kjærasten i februar, i eskimogarn og pinne nr 6, er det no attende på pinnar 2,5 og askeladdgarn frå nøstebarn. Naturbrunt, herleg dus farge. Perlestrikk og flettemønster - ein dag, når digitaliseringa berre har nådd neste steg her i heimen, vil publiseringa verte fullførd.


Elles har bloggsurfinga den siste tida hatt skadeleg effekt på moralen min - synet av alle dei fine prosjekta og påfunna kreative sjeler har her til lands, har fått meg til å drøyme meg både attende,
og fram til eigne kreative dagar. Ei symaskin har aldri vore så ynskt som no, men med tanke på føreståande avsluttande eksamenar og tendens til tap av viljestyrke før slike hendingar,
ser eg det som klokt å utsetje alle slike eskapadar. Enn så lenge! :-)

Nøyer meg med å njote av andres gode; har tinga ei strikketøymappe frå Felisi og ventar i spenning.

2 kommentarer:

Landliv sa...

Herlig garn og nydelige ting fra Nøstebarn. Jeg kjøper nesten alle ullklær som barna skal ha innerst derfra. Men jeg strikker alt for lite... Det siste jeg har strikket er en mobilveske til storesøster - ikke så imponerende men moro likevel ;-)

HomlisBomlis sa...

Tenkte du kanskje hadde bruk for denne - skal visstnok være enda myyyykere enn Nøstebarns - og mye billigere også...!!

http://123knit.com/catalog/index.php?cPath=21_60_82

og her er masse oppskrifter også!!

http://www.silkeborg-uld.com/index.php